PAGDATING NI POPE FRANCIS

          Inaasahang darating sa bansa ang Santo Papa Francisco sa ika- 15 ng Enero hanggang ika- 19 ng 2015 kung saan kabilang sa dadalawin nito ang lugar na sinalanta ng bagyong Yolanda at makasalo sa isang pananghalian ang may 30 survivors ng bagyo at lindol. Ipinahayag niya ang kaniyang kagustuhang bisitahin ang mga nakaligtas na biktima ng nagdaang bagyong Yolanda at lindol sa Bohol.
        Ang tema ng nalalapit na pagbisita ng Santo Papa ay "Mercy and Compassion" ayon sa Presidente ng Catholic Bishop's Conference of the Philippines (CBCP) na si Lingayen- Dagupan Archbishop Socrates Villegas. Ayon pa sa kanya, sa pagdating ni Pope Francis dala niya ang mensahe ng awa at pagkahabag mula sa Panginoon. Dagdag niya na sanay makita niya sa atin ang mga taong nakadama ng awa at pagkahabag mula sa Panginoon, na lubos na nagpapasalamat sa mga taong tumulong sa kanila lalo pa sa mga panahon ng nagdaang mga sakuna.
       Ang opisyal na logo para sa pagbisita ng Santo Papa ay may tatlong bilog; ang dalawang nasa labas ay dalawang bisig na kulay asul at pula. Mistulang nakayakap ang dalawang bisig sa bilog na kulay dilaw na may krus sa gitna.
       Ang Caritas Manila, isang non- profit group ay nagsimula ng magtinda ng mga bagay na may temang ukol sa nalalapit na pagdating ng Santo Papa. Ang mga kikitain mula rito ay gagamitin para sa pagtulong sa mga mahihirap at ang ilan ay gagamitin upang tustusan ang mga gastusin para sa paghahanda para sa pagdating ng Santo Papa.